Defnyddiwch ‘blwch’, nid ‘bocs’, mewn ffurflenni, ee Tick the box/Ticiwch y blwch.
Mewn cyweiriau ysgrifenedig ffurfiol defnyddir ‘blwch’, gan amlaf, i drosi ‘box’. Mae hyn yn cynnwys wrth gyfeirio at sgwariau neu betryalau ar ffurflenni neu feddalwedd, a’r rhan fwyaf o gynwysyddion gan gynnwys rhai at ddibenion arbennig fel ‘blwch pleidleisio’ a ‘blwch postio’. Serch hynny defnyddir ‘bocs’, gan amlaf, i drosi ‘box’ pan gyfeirir at gynwysyddion cardfwrdd a chynwysyddion plastig a metel gweddol fach ee ‘bocs cinio’.
Ar lafar ac mewn cyweiriau llai ffurfiol mae’n bosibl y ceir mwy o ddefnydd i ‘bocs’ mewn cyd-destunau lle mae’n fwy arferol gweld ‘blwch’ mewn cyd-destunau ysgrifenedig ffurfiol, ee ‘bocs pleidleisio’ a ‘bocs postio’.